The Shadow Pandemic
Jab poori duniya apne apne gharon mein rahne ko bebas thi aur saansein bachane ki jung chal rahi thi, tab ek aur bazaar andar hi andar tezi se grow kar raha tha. Ek aisa bazaar jahan saudebaazi insaanon ke hote hain. Pandemic ke baad, global sex trade aur human trafficking mein 25% ka shocking uchaal aya hai. UNODC (United Nations Office on Drugs and Crime) ke iss data ne us kadwe sach se parda uthaya hai jise aaj ki society dekhna nahi chahti. Aaiye is dark reality ka panna palat te hain aur samajhne ki kosis karte hai ki VishwaGuru kahe Jane Wale desh me dhanda kaise itna phal raha hai..
1. Virus Se Bada Khatra: The 25% Global Surge
Pandemic ne sirf health system ka kamar nahi toda, balki logon ki aarthik sthithi ki kamar bhi tod di.
The Digital Trap: Traffickers ab dark galiyon mein nahi, aaj ke digital yug me social media aur dating apps par baithe hain. Ek fake job offer, aur shikaar mutthi mein.
Lost Childhoods:
Sabse zyada darawana fact ye hai ki is 25% ke uchal mein ek bahut hi bada hissa minor girls ka hai. School band hone aur garibi badhne ne bachhon ko shikaariyon ka aasan shikaar bana diya.
2. India: Galiyon Se Online Screens Tak Ka Safar
VishwaGuru kahe Jane Wale Digital India mein trafficking ka pattern pandemic ke baad poori tarah badal gaya hai.
The Debt Trap:
Gaon dehat/villages mein logo ne baics uses jaise ration aur dawaiyon ke liye jo karz liye, use chukane ke liye kai baar betiyon ko red light areas ki taraf dhakel diya gaya.
Brothels to Websites:
Mumbai aur Delhi jaise metros mein dhandha ab kothon se nikal kar Escort Services aur Telegram channels par shift ho gaya hai. Ye naya online sex trade law enforcement ke liye ek bada khatra ban chuka hai.
3.Jism Ka Sauda Ya Survival Sex:
Berozgari ne ek naye shabd ko janam diya “Survival Sex.” Jab zinda rehne ka koi aur rasta na bacha, toh hazaron bebas logon ko majburan is ghinone daldal mein utarna pada. Ye sirf crime ka data nahi hai ye system ka fail hona hai.
Ye 25% ka increment sirf UN ki report ka ek number nahi hai. Ye wo cheekhein hain jo nakamyab system ke shor mein kahi dab gayi hain. Jab tak trafficking ke root causes jaise ki extreme poverty aur digital loopholes par surgical strike nahi hoti, ye andhera failta rahega. Waqt aa gaya hai ki hum aankhein kholen aur is mudde par khul kar baat karein
Leave a Reply