The Price Tag on Democracy
Elections aam nagriko ya voters ke liye free hote hain, lekin election ladna aur jeetna aaj ke samay me duniya ka sabse mehenga business ban chuka hai.
India ya Chahe duniya ki koi bhi democracy ho, political power aur corporate money ke beech ka connection ek open secret hai. Vote toh aam janta deti hai, par election ke campaigns ko fund bade corporate hi karte hain.
The Fall of Electoral Bonds:
Saal 2024 mein Supreme Court ne Electoral Bonds ko unconstitutional declare kar diya yeh kehte hue ki yeh voters ke Right to Information (Article 19(1)(a)) ka violation hai.
Tab aam nagriko ya yun kahiye voters ko Yeh transparency ki bahut badi jeet lag rahi thi.
The Rise of Electoral Trusts:
Political Party’s or System ne turant ek naya rasta nikal liya. Recent ADR (Association for Democratic Reforms) ke data ke hisab se, FY25 mein hazaron crore rupaye ab ‘Electoral Trusts’ ke naam pe political parties ko ja rahe hain. Corporates ka paisa abhi bhi system mein flood ho raha hai, bas channel badal diya gaya hai
The Global Echo:
Is issue ko geopolitics ke nazron se dekhe toh, Yeh sirf India ki problem nahi hai.
US Super PACs:
America mein “Dark Money” aur Super PACs ke through billionaires unlimited paisa pump karte hain election ko manipulate karne ke liye
The Universal Theme: Harek jagah rule ek hi hai Quid pro quo (Favor ke badle favor). Corporate policies, contracts, aur favorable regulations ke badle mein politicians ko fund karte hain.
The RTI Angle:
Ek bat achi hai Democracy mein information hi power hai. Jab political parties ko RTI Act ke daayre se bahar rakha jata hai, toh public kabhi nahi jaan paati ki unke neta kiski sun rahe hain ya kiski esharon pe naach rahe hai.
un voters ki jinhone unhe chuna, ya un corporate ki jinhone unhe fund kiya?
Transparency ke bina, democracy dheere-dheere oligarchy (rule by a few wealthy people) mein badal jati hai.
State/Public funding of elections (jahan government campaigns fund karti hai taaki private money ka influence kam ho), aur strict expenditure limits.
Jab tak political funding completely transparent nahi hoti, tab tak power hamesha unhi ke haath mein rahegi jo use khareed sakte hain.
Leave a Reply